कोरोनाने जगभरात हाहाकार माजवला आहे, शास्त्रज्ञ अजूनही कोरोनावर इलाज शोधत आहेत. काही महिन्यांतस ठोस असे वैद्याकीय उपचार शोधले जातील परंतु आपण घर, शाळा, कॉलेज, कामाची ठिकाणे अगदी सर्वत्रच साफ-सफाई करणे गरजेचे आहे.अमेरिकेच्या आरोग्य संस्था रोग नियंत्रण संस्थेने सांगितले आहे की, कोरोना व्हायरसपासून बचाव करायचा असेल तर सुरुवात प्रथम तुमच्या घरातील स्वच्छतेने करावी.
हे करा उपाय
- दैनंदिन जीवनात काय काळजी घेऊ शकाल यावर आपल्या प्रियजनांसोबत चर्चा करावी त्यातून काही नवीन उपाय सुचत असतील तर त्याची एक यादी बनवावी.
- घराजवळील शेजारच्यांसोबत संकटकालीन परिस्थितीत काय करू शकता याबाबतही आराखडा आखावा जेणेकरून ऐनवेळी पॅनिक होणे टाळले जाईल.
- कामाशिवाय सार्वजनिक ठिकाणी जाणे टाळा, लोकांपासून अंतर ठेवून राहा.
- शिंकताना आणि खोकलताना तोंडावर रुमाल ठेवा.तसेच खोकला किंवा ताप असेल तर कोणाच्याही संपर्कात येऊ नका.
- दिवसभरातून आपले डोळे, नाक आणि तोंडाला स्पर्श करणे टाळा.
- हात, पाय साबणाने किंवा हँडवॉशने वीस सेंकद वेळेत तरी धुवाच.ज्यामध्ये 60 टक्के अल्कोहोल आहे अशा शक्यतो सॅनिटाझरचा वापर करा.
- सतत टिश्यूचा वापर करा व वापर केल्यावर तात्काळ तो टिश्यू बंद डब्यात फेकून द्या.
- अस्वस्थ वाटल्यास डॉक्टरांकडून तपासणी करुन घ्या.
- घरातील लहान मुलांना सर्दी खोकला ताप असल्यास शाळेलाही कळवा.
- आजारी असेल तर त्यांना क्लासला पाठवणेही बंद करा. घरीच शिकवणी घ्या.
- आपल्या आप्तस्वकीयांना जर भेटू शकत नसाल तर किमान फोन करून चौकशी करा.
- लहान मुलांनासुद्धा सकारात्मक वातातरणात ठेवा जेणेकरून त्यांना अशा कोरोनाबाबत भीतीच्या वातावरणात आधार वाटू शकेल
Post a Comment